Sada tikki, mulak ma si Mirni sian pangarattoan mandapothon inongna di huta. Ala attar lancar do rezekina, dituhor si Mirni on ma sada handphone android na laho lehononna tu omakna i.
Ninna rohana, asa boi hujoloanni ari mar-video call ibana dohot omakna na burju i. Jadi, dung disetting sude, diajari si Mirni ma omakna on mar-VC sian WA.
 |
| Ilustrasi. |
"Ehe, dang huattusi i inang. Asal ma boi martelepon manukkun kabarmu manang paboahon akka namasa," ninna omakna on.
"Gampang do omak. Belajar hita. Hupanggil annon omak, holan geser pe tanganmu tu ginjang, pittor tarida ma annon au. Omakpe boi hubereng," ninna si Mirni.
"Ehe, dang masuk akkalhu i," ninna omakna on.
"Gampang do omak. Langsung praktek hita. Omak di jabu da. Au lao tu alaman. Hu-Vc sian alaman i. Tiop ma HP on," inna si Mirni.
Ditiop omakna i ma attong HP i. Lao ma si Mirni tu alaman. Dung di alaman i ibana, dipanggil ibana WA ni omakna.
Tutu ma. Makkuling ma HP i, dibereng omakna i ma. Pittor tarsonggot ma omakna i. Manghitiri ibana sambil marsuraki. "Mirniiiii....ro begu...ro begu....hamuna....adong begu...oooo begu."
Hallus ma HP i sian tanganni omakna i. Toppas tu lantai. Las possa ma jala sarsar HP i. Omakna i malitondi. Jala hitir-hitir. Nga naeng pingsan.
Pittor marlojong si Mirni tu jabu. Dibereng ma HP i nga sarsar jala omakna hosa-hosa.
"Mahua omak?" ninna ibana.
"Begu do di HP-mi," ninna omakna i. Tong dope hosa-hosa.
"Beguni aha do?" ninna si Mirni. Alai pitor sadar ma ibana. Dua ari na lewat dibaen ibana DP ni WA-na foto Mak Lampir. Jala dang diganti ibana dope.
Oh tahe, bursik ma ho Mirni. Untung ma dang mate toltol omakmi. ***
Loading...
Tidak ada komentar:
Posting Komentar