Si Tampurung yang Kehilang Huruf P

Si Tampurung ma tabaen goarni amatta on ate. Asa tabo jouon. Sugari marsilaosan di dalan rupani, pittor gogoma soara niba manjou ibana, ningon ma, "Woooiii Tampurunnnngggggggg. Sangaja do godang huruf 'n' dohot 'g' i, asa marngongong songon soarani harinoan.

Ilustrasi.

Jadi si Tampurung on takkas do hutanda. Halakna ganteng. Marisap gogo. Habisni on do 5 bungkus sadari. Makana hapal do bibirna i, marbirong muse. Soarana bongor. Molo makkatai on di ruangan na sepi, hira soarani bokkor-bokkor na didoltuhi ma. Apalagi attar godang huruf 'o', seram ma begeon.

Misalna, didok ibana songonon: "Olo do ho ito farsonduk bolonku, nga mordong on lalaf dang marhasohotan." Seram begeon alani bongorni soarana.

Alai denggan parrohahon hamu da. Dang na salah ketik au. Tikki mandok parsonduk bolon amatta on, pakke f do p nai. Tikki mandok lalap pe, pakke f do tong.

Ai ido jeana. Manang na bohama haroa nasibni amatta on tikki di bortian, dang boi dabah ibana mandok huruf 'p'. Matua sai diganti do jadi 'f'. Jadi hea amattaon hubege manjalo pesananan di kedai, ninna:

"Farlafo, baen jo kofi. Las baen ma muse laffet i. Na markalaffa da," ninna ibana. Margak au satonga mate.

Jadi dung leleng hami mardongan, au pe gabe terbiasa ma. Gabe lomo rohakku manjouhon ibana manang na didia pe juppang. "Oiii....tamfurung," sai nikka ma attong.

Seru ma tahe. Haha...! ***

Loading...

Read more