Nama-nama di Facebook yang Lucu

Manggosip ma jo hita ate. Nakkin mekkel-ekkel au sahalakku sambil mannotnoti HP. Boi do dibayangkon hamu kan? Jadi huparrohahon antong goar-goarni jolma di fesbuk on. Memang lussu-lussu do bah.

Ilustrasi.

Adong ma goarna akunna Si Sabur Holong. Boha do nuaeng parsaburni holong i ate. Gabe hubayangkon si Tenti, tikki kuliah hian. Mangaloppa indomi ibana di kosna. Alani malena, buru-buru ibana manahui indomi i sian balanga. Toppas ma daba mangkokna on. Sabur fuang indomi i. Tarsongoni ma ra parsaburni holong i ate? Marisuang. Hahaha.

Adong muse ma na margoar si Jogal. Sukkun-sukkun rohakku, pittor boha jogalna ate. Songon jogalni ban bekas do naeng, inna rohakku. Manang songon jogalni huling-hulingni jagal horbo. Sai diropropi, alai gabe nginginya tulpik. Wkwkwk.

Na margoar Si Boto Lungun pe godang do. Molo on nian, dang nihata. Mauliate ma diboto lungunna. Alai hubayangkon ma, tarboha ma naeng action-ni Si Boto Lungun on molo pas tangis ate. Manggangguhi do ra ate, huhut diangkat patna sambola. Asa dramatis.

Adong muse do na margoar Sibolis. Jorbut ate. Alai yakin au, holan ro sibolis tu ibana, malitondi doi. Molo ro sitaonon, tong do ra tangis jala maporus tu Tuhan i. Boha do carana sibolis maporus tu Tuhan ate. Parsudakku do bah.

Jei, na margoar AkuCayangKamu pe adong do. Molo on, sai naeng hujuppangi do molo huboto luatna. Maksudhu, dangguronku do bohina i pakke gambo. AkuCayangKamu, nikku ma attong.

Cayang kok dilempar? Ninna ibana ma rupani. Hape na manjou goarna do au. Sabotulna naeng mandok sogoni rohakku do tu ibana. Na naeng mandok songonon do au:

"Hei AkuCayangKamu, aku benci kau," nikku huhut hulempar.

Haha. Tarsongoni ma jo. Unang adong na muruk da. Sekedar humor do on. Asa tamba mordong. Pardulikku i. ***

Loading...

Read more