ABG Minta Kenalan di Facebook

# 1
Pagi-pagi dope nga margak iba dibaen akka jolma on. Adong sada anak boru mang-inbox.
"Hay...." inna.
"Hay juga," nikku mangalusi.
"Ne cpa?" ninna muse. Dang huattusi bahasa aha on. Jadi dang hubalas. Alai di-inbox itoan i ma muse.
"Leh knalan?" ninna.
Gabe hualusi nama. "Leh," nikku, alai huhut mekkel au.
Hupareksa ma antong profil ni itoan i. Lahir 2004. Molo di huta nami etter-etter ma istilahna itoan on. Manang cencen na badia. Tikki na mamareksa profil nai au, ro ma muse inbox ni itoan i.
"Kul or ker?" inna.
Dang hualusi be bah. Gabe mordong au. Hahaha....! ***

Ilustrasi.

# 2
Las so marna jora do akka etter-etter on mamakkulingi iba di inbox. Hape nga hea nisindir. Ro muse ma on nei.
"Hay...." ninna.
"Hay...." nikku.
"Gi paen?" ninna.
Gigi ompong, nga naeng nikku nian. Alai tahe, haccit annon rohana, jadi hualusi ma.
"Gi duduk-duduk," nikku.
"Ma capa?" inna. Nga munjal-unjal butuhakku manahan ekkel.
Hualusi jo sahali nai tahe, inna rohakku.
"Cendiri azza," nikku.
"Oo...! Da maem lom," ninna.
Dang tahan be au bah. Margak au. Babam ma bah, nikku nama. Alai di bagas rohakku do da. Maup mai...! ***