Si Tenti Siaran Langsung di Fesbuk

SOPO - Siaran langsung si Tenti di fesbuk. Marpahean na minim ibana, gaun tanpa lengan. Molo oppung-oppung di hutanami mandok, yukensi do songon pahean ni si Tenti on. Bagak ma nian.

Ilustrasi.

Di na siaran langsung on ibana, tarida ma disi na paias-iashon kamar ibana. Mangalipati abit. Molo attar marmerek pahean on, attar dipatudu ibana ma tu kamera i.

Godang do na manonton. Jadi adong ma sada bawa mengomentari, "Cantik-cantik bajunya ya ito," ninna.

"Makaciiihhh. Siapa dulu dong," inna si Tenti.

Na asing muse manukkun, "Lagi beres-beres ni ito. Emang mau kemana?"

"Ga kemana-mana ito. Cuma ngerapiin aja. Sayang ni baju bagus-bagus ga kepake semua. Biar rapi azza," ninna si Tenti on.

Pokokna godang ma manukkuni. Sipata dialusi si Tenti melalui tulisan di komentar. Sipata langsung makkatai ibana, attar dipaganjang muccungna. Intina, botul-botul

mempesona ma ibana. Tampil seksi dan sempurna.

Toppu ma adong sada bawa manukkun, ninna: "Ito baru makan ya?"

"Isshhh, kok tahu ito. Iya nih, ada teman tadi datang bawa pizza," ninna ibana.

Pittor didok bawa i ma muse, "Boto tumbam Tenti, pizza nimmu. Pote dohot jengkol do diallang ho. Di toru ni lamarimi do piringmu, tarida sian on."

Pittor tarsonggot si Tenti, dibereng ibana ma tutu tu toru, disi dope piringna. Dang dipauli haroa nakkin sae mangan. Pittor ditutup ibana ma kamera on. Pittor golap

ma layar. Alai tarbege do pe soarana, ninna:

"Merrrniiiiiii, dang disimpan ho nakkin hape piring on. Gabe habotoan iba manggallang pote. Hape online do huida si ganteng i. Ago jo, ilakki....! Agoh...!" (Sumber: Mordong Iba)

Loading...

Read more